O 31 de Maio tivo lugar no Auditorio de Cangas a fase final do Certame Comarcal de Poesía Improvisada do Morrazo. Alumnado de 2º de ESO de 12 centros de ensino das localidades de Cangas, Moaña, Bueu e Vilaboa déronse cita para apoiar aos compañeiros que os representaban e de paso ver se se levaban a Regueifa.
Os nosos parabéns ao alumnado do IES As Barxas polo premio e polas súas composicións.
Deixámosvos un resumo dalgunhas das intervencións do noso alumnado durante o certame. Parabéns para a alumna Carmen Torres que conseguiu pasar á fase final e agardamos repetir o próximo ano.
Alumnado dos cursos de 1ºESO, 2ºESO e 4º ESO, dentro da materia de música, quixeron contribuír á celebración das Letras Galegas poñendo voz e melodías a diferentes poemas da autora homenaxeada, Mª Victoria Moreno.
Sobre unha base TRAP, que é un subxénero do HIP HOP, musicaron diferentes poemas extraídos do libro Elexías de Luz.
Co obxectivo que os xóvenes empreguen a lingua propia de xeito natural e a vinculen a actividades lúdicas mellorando a súa expresión nace o Certame Comarcal de Poesía Improvisada, no que participan 13 centros da bisbarra do Morrazo.
Luís Caruncho e Pinto d'Herbón son os encargados de guiar ao alumnado na arte da improvisación, sendo a axilidade mental e ritmo o fundamental do proceso.
Dúas sesións servirán para preparar a alumnos e alumnas para a fase final que terá lugar o 31 de Maio no Auditorio de Cangas. Veremos daquela quen se leva a Regueifa, a rosca que antigamente se regalaba nas vodas entre os convidados e que repartía aquel máis enxeñoso na arte da improvisación oral.
No certame participan as Concellerías de Normalización dos concellos de Bueu, Cangas, Moaña e Vilaboa.
Anagnórise é o coñecemento dalgo que sempre estivo aí mais non conseguimos ver. É a historia de Nicolau, que marcha de casa para deixar atrás un amor e vai na busca dun novo destino cando acaba sendo o principio de todo.
A novela, posiblememente a máis exitosa de Mª Victoria Moreno, e o primeiro grande fito da Literatura Xuvenil en galego, volve estar de actualidade aproveitando que este ano se homenaxea á súa autora.
Alumnado de 3º de ESO asistiu á adaptación que o grupo Limiar Teatro fixo da obra.
O espectáculo preséntase no desguace onde chegou o coche de Xulia, unha das personaxes, despois dun fatal accidente. Dous operarios comezan a desmontaxe do coche e cada peza remitirá a un momento da historia.
O pasado mércores 4 de Abril alumnos de 3º ESO participaron no obradoiro desenvolvido polo Colexio de Xornalistas.
Xornalismo na escola é un proxecto realizado polo Colexio Profesional de Xornalistas de
Galicia e a Obra Social 'la Caixa' e que xa vai pola 3ª edición. Diferentes profesionais
impartirán estas xornadas didácticas sobre comunicación a alumnos de 3º e 4º
da ESO en Institutos de Ensino Secundario de toda a xeografía galega.
Un total de 90 obradoiros que teñen como obxectivo
introducir ao alumnado no mundo dos medios
de comunicación, cada vez máis importante hoxe en día.
O alumnado tivo a oportunidade de entender o funcionamento
dos medios de comunicación e coñecer o seu papel na sociedade,
aprendendo a diferenciar as noticias reais das inventadas, contrastar
informacións, fomentar o espírito crítico etc...
Se queres ver a noticia na prensa podes clicar aquí.
Visitamos o Museo do Mar de Vigo para contemplar posiblemente unha das obras literarias máis importantes e emblemáticas da historia da nosa literatura, o Manuscrito Vindel. Unha oportunidade única e talvez irrepetible de termos na nosa terra algo tan importante para a nosa cultura e para a cultura occidental en xeral.
Alumnado de 3ºESO puido coñecer as técnicas que empregaban nos scriptorium os monxes para copiar e facer estas obras, as tintas, a confección dos pergameos etc...
Ademais percorremos a exposición permanente do Museo do Mar e visitamos o pequeno aquarium onde descubrimos as principais especies que habitan as nosas rías.
Unha vez rematada a nosa visita, fomos ata o CIFP Manuel Antonio para visitar o Ciclo Superior en Hostalaría e degustar os pratos que os alumnos preparan a diario para o público en xeral.
Espaguetis, polo asado ou tenreira estufada foi o noso menú nesta ocasión e tivemos a sorte de visitar as instalacións dos módulos
O pasado venres fixemos entrega dos premios aos gañadores do concurso Bica en Galego, que sendo a primeira vez que se convocaba tivo unha boísima acollida entre o alumnado.
Ainhoa Fernández de 4ªEP foi a gañadora na súa etapa e no ciclo de ESO decidiuse repartir catro premios pola calidade tanto na forma como no contido dos traballos presentados por: María Capeáns, Borja Moreira, Lara Cortegoso e Raquel Trabazo, todos eles alumnos e alumnas de 1º e 2º de ESO.
Se queres ler os traballos só tes que premer no nome de cada participante.
Black Mirror é unha
serie de televisión británica que xira arredor da tecnoloxía e
como afecta as nosas vidas.
A Mesa pola Normalización
Lingüística lanza a campaña Sentido Común, baseada nun capítulo
desta serie e que mostra en ficción unha situación complexa para
os galegofalantes que o día a día vai demostrando como totalmente
real.
Con esta curtametraxe, A Mesa pola Normalización Lingüística
pon sobre a mesa unha vez máis a problemática que sofren
diariamente aquelas persoas que se expresan ou queren expresar en
galego en calquera situación.
A Mesa está a
desenvolver unha intensa campaña e recollida de sinaturas para dar a
coñecer a Iniciativa Lexislativa Popular para a garantía dos
dereitos lingüísticos no ámbito socioeconómico.
Alumnado de 4º de ESO asistiu o pasado martes á Sala
Segunda da Audiencia de Pontevedra para presenciar un xuízo.
Nesta
ocasión tratábase dun xuízo contra a saúde pública.
Durante a
vista os alumnos puideron coñecer os xeitos de proceder dos letrados e dos
membros do tribunal e logo conversaron tanto cos avogados coma co xuíz Xose
Xoan Barreiro.
Esta actividade, que
se realiza en colaboración co departamento de Xeografía e Historia, xunto co
Gabinete de Normalización Lingüística da Audiencia Provincial, serve para
achegar e dar a coñecer o funcionamento da xustiza e o uso que da lingua galega
se fai neste ámbito, que segundo o informe do Consello de Europa cómpre
dunha maior presenza. Pincha aquíse queres ler a nova que saíu no Faro de Vigo.
Antigamente dicían que o día 2 de febreiro era o
día do amor:“Pola Candeloria casan os paxariños e maila
galiñola”
Esta data parécenos
ideal para amosar os nosos sentimentos a aqueles que máis queremos.
Por iso queremos desde o ENDL que este ano "biques en galego".
Escribe unha carta ou unha
declaración de amor
en lingua galega que pode ir dirixida a outras persoas, á natureza
ou calquera cousa animada que nos guste tanto que sexa capaz de espertar en nós
sentimientos de amor.
- Poderán redactarse en prosa
ou en verso, a man, a máquina ou a ordenador... e
non deberán sobrepasar unha carilla de extensión.
-Poderanse empregar todas
aquelas técnicas que se desexe, incluír debuxos, fotos....
-Terase en conta o grao de
elaboración, a orixinalidade, o correcto uso do idioma e a calidade da lingua.
-Todas as cartas deberán ser
inéditase cada participante poderá
enviar un máximo de dúas cartas.
-Podes enviar os teus traballos ben en word ou escaneados a este
enderezo: titoriavilaboa@gmail.comou deixándoos nun sobre na conserxería do centro
cos teus datos persoais.
